තවකෙකුගෙ සිනාවට නිබද හේතුව සදන
දයාබරකම් පාන සිත් ඇත්තවුන් වන්න
නැණින් පමණක් නොවී ගුණෙන් අගතැන් වන්න
එක් දිනක් කුමකට ද මනුදමින් සපිරෙන්න
වන සතුන් වැනි දනන් අතර දෙවියෙකු ලෙසින
සුපිපෙන්න නිබද ඔබ කරුණාව වපුරවන
රුදුරු ගති පසෙකලා සොඳුරු ගති පුබුදුවන
සොඳුරු මිනිසෙකු වන්න අන් අය ද තුටු කරන
තම සුවය පමණකැයි සිතා අන් අය නසන
දුදන මිනිසුන් අතර සුමුදු කුසුමක් වන්න
කරුණාව පිරී ගිය සිතින් ආසිරි පතන
සොඳුරු එක් වදනකට හැකිය සිත් සනසන්න
කරුණා දයා ගුණය පිරිහී යමින් තිබෙන
විෂම වූ ලෝකයක් දෙසට මෙත් සිත් යොමන
මිනිස්කම නම් සුවඳ දසත නිති පතුරුවන
සෙනෙහසින් පිරුණු සිත් ඇත්තෙක් ව බබලන්න
කව්‍යාංජලී ✍️❤️
❤❤
ReplyDelete🥰🥰🥰🥰
ReplyDelete