වැස්ස

 

වැටෙන්නට පෙරාතුව

හීන් හිරිපොද 

හමන නැවුම් සුවඳ මෙන්

ඔබත් වන්න නැවුම් සුවඳක්

තවත් සිතකට සතුට කැන්දන

ගතසිත පුබුදුවමින්

වැටෙන හීන් පිනිපොද මෙන්

ඔබත් වන්න පිනිබිඳුවක් 

තවත් අයෙකුට සතුට කැන්දන

බිඳුණු හැඟුමන් අවුස්සන

නවමු හැඟුමන් පුබුදුවන

වැස්ස මෙන්

ඔබත් වන්න වැස්සක්

තවත් සිතකට සතුට කැන්දන

දිවි අහිමි කරමින්

ගලන රුදුරු වරුසාව මෙන්

එපා වන්නට මුරුගසන් වැස්සක්

තවත් සිතකට දුකක් කැන්දන

        කව්‍යාංජලී ✍️❤️