ක්‍රිෂ්ණාගෙන් රාධාට

                            

සුපුෂ්පිත මල්දමින් පිරුණු වෘන්දා                    වනේ

කිමද අද මේ ලෙසින් වෙලා මුකුලිත                 අනේ

සවන් නිති සැනස වූ විහඟ කැළ ඔබ            කොහේ

කොහෙද මගෙ සරා සඳ නුඹෙ සිනා         සැඟවුණේ

හද සැනසු නුඹෙ තෙපුල් ගොලු වී ගොසින්           මන්ද 

අනුරාග නෙත් වලින් කියූ පෙම් ගී                      කොහි ද

සිහින් ඉඟ නළවමින් රැගි රැගුම් අද                       නැද්ද

කොහෙද මගෙ සඳවතිය                        අමනාපවීවත් ද

ඔබෙ පෙම් තෙපුල්වලට මා ආලේ කළ               තරම්

තව දන්නේ වෙන කවුද වෘන්දා වනේ                  තරම්

මාගේ ප්‍රියාධරිය රාධාවණිය                                  තරම්

දැනුණේ නෑ මගෙ සිතට අනෙක් ගෝපී                ළඳුන්

වස්දඩුව රැගෙන මම ප්‍රේම ගී                        වයන්නම්

එහි සප්ත ස්වරවලට ආලේ මුසු                   කරන්නම්

ඒ ප්‍රේම ස්වර දිගේ ඔබ එතී                         ඇදෙත්නම්

මහද ප්‍රේමයේ තනුව ඔබ වෙත ම                  පුදන්නම්

කව්‍යාංජලී ✍️❤️