මනමේ මමයි නුඹේ හදවතින් පෙම් කෙරුව

 

ඔබ නමින් මගෙ හදේ ප්‍රේම ගී ලියවුණා

මගෙ ප්‍රේම හී සරය ඔබ වෙතට පුදකළා

ඒ ප්‍රේම හී සරින් නුඹ මමත් යා වුණා

ස්නේහ මල් වැසි මැදින් අපි අපිට ළං වුණා

පෙම් තෙපුල් මෘදු වදන් සිනා ගඟ කිමිදිලා

ආල විල් තෙරේ අපි පෙම් සුවය මිමිණුවා

නුඹගේ මගේ පෙමට අසිරි සිත් දෙන නියා

අහස් කුස සරා සඳ එළිය දී හැඩ කළා

මල්වැසි මැදින් ගැලූ අප ආල අන්දරය

වැදි රජෙකුගේ සැහැසි අනෝරා වැස්සකට

හසුව සුණු විසිණු වී දෙදරාවිදෝ බයට

ධනුද්දර මා ඉතින් සැරහුණා ශිල්පයට

ඔබ නමින් පෙම් සටන් මා  හදින් ඉටු කළා

නමුදු හැඩි දැඩි සිරුර ඔබ සිත වශී කළා

කඩුව මා වෙතට නොව ඔහු වෙතට පුද කළා

ධනුදරෙකු වූ මගේ පෙම් සරය වැරදුණා

නුඹේ එක බැල්මටත් පවා නිති මන බැඳුණ

දිවි ගමනේ නුඹ මගේ පතිනිය ලෙසින් සිතුව

පිටුපා ගියත් මෙමට හැම භවේ නුඹ පතන

මනමේ මමයි නුඹේ හදවතින් පෙම් කෙරුව

කව්‍යාංජලී ✍️❤️