කන්ද උඩරට නුඹයි ස්නේහ නඟරය අපට

වැව රවුම සිසාරා හමා යන මඳ පවන

එක්ක මුසු වී නැගේ රොබරෝසි මල් සුවඳ

හීන් හීතල එක්ක වැටෙන විට පොද වැස්ස

පොපියවයි පෙම් හැඟුම් මගේ හිත කිති කවන

හන්තාන කඳු මුදුන වටේ පිරි සිරියයි

මහවැලිය දෙපස මැද ගැටඹෙ බෝ සමිඳුයි 

තේජසින් නෙත් වැකෙන උතුම් දළදා මැදුරයි

දළදාවේ තේවාව ඇසෙන මහනුවරයි

අත්  පටලා නුඹ මමත් මේ මගේ ගිය තරම්

පෙම් හීන සිත් දරන් අපි ආලේ කළ තරම්

පොද වැස්සේ සීතලට තුරුලු වී සිටි තරම් 

තව දන්නේ වෙන කවුද මහනුවර නුඹ තරම්

පෙම් පිරුණු සොඳුරු සිත් එකට එක යා කරන

පෙම් හැඟුම් මෝදුවන හැඟුම් නිති අවුස්සන

දස දහස් පෙම්වතුන්ගේ රහස් නිති දන්න

කන්ද උඩරට නුඹයි ස්නේහ නඟරය අපට

කව්‍යාංජලී ✍️❤️